YUSUF OʻTAGAN OʻGʻLI

YUSUF OʻTAGAN OʻGʻLI (1915 Sherobod tumani Xoʻjaypul qishlogʻi — 1993) — dostonchi. Sherobod dostonchilik maktabi vakili. Mardonaqul Avliyoqul oʻgʻlining shogirdi. Baxshilar oilasida tugʻilgan. Yoshligidan terma va dostonlardan parchalar ayta boshlagan, 20 yoshlarida taniqli dostonchi boʻlib yetishgan. Yusuf Oʻtagan Oʻgʻlidan «Shohniyoz podsho», «Nurali», «Sanam gavhar», «Malla savdogar», «Shahidnoma» kabi dostonlar, bir qancha ertaklar va oʻnlab termalar yozib olingan.