BIRMA TILI

BIRMA TILI — Xitoy-tibet til oilasiga mansub tibetbirma tillar guruhiga kiradi. Myanma davlatining rasmiy tili. Bu tilda 30 mln. dan ortiq kishi gaplashadi. Toʻrt — shim., markaziy, tavoy va arakan lahjalariga boʻlinadi. Birma tili boʻgʻinli va ohangli tillardan boʻlib, tuzilish jihatdan analitik (ayiruvchi) boʻlsada, unda talay agglyutinativ unsurlar mavjud. Ot shakllari yasalishida maxsus postpozitiv koʻmakchi soʻzlar va feʼl shakllarida agglyutinativ qoʻshimchalar, ayrim prefiks lar va baʼzan koʻmakchi soʻzlar asosiy oʻrin tutadi. Leksik jihatdan tub soʻzlar bilan birga paliy tilidan uzlashtirilgan suzlar ham qullaniladi. Uslub jihatdan ikki — yozma va ogʻzaki kurinishga ega, bular bir-biridan grammatik va leksik jihatdan farqdanadi. Birma tili alifbosi qad. hind yozuvi brahmiyning jan. tarmogʻidan kelib chiqqan.