VIZIR (nem. Visier) – 1) oʻq otish qurollari va asboblarning oʻrtasida oʻyigʻi (tirqishi) boʻlgan moʻljalga olish moslamasi;
2) fotoapparatlarga biriktirib qoʻyiladigan koʻrinish qidirgich asbob; koʻrinish (tasvir)ning qaysi qismi fotoplastinkaga tushishini (sigʻishini) aniqlash uchun xizmat qiladi;
3) shamol taʼsirida samolyotning uchish yoʻnalishidan ogʻishini oʻlchaydigan asbob;
4) geodeziya asboblarida biron bir nuqtaga yoʻnaltirish (vizirlash)ga imkon beradigan moslama.