UKRAINLAR

UKRAINLAR — xalq. Ukrainaning asosiy aholisi (37,42 mln. kishi). RFda 4362,8 ming kishi, Qozogʻistonda 896,2 ming kishi, Belorussiyada 291 ming kishi, Oʻzbekistonda 153,2 ming kishi, Kirgʻizistonda 108 ming kishi, Latviyada 92,1 ming kishi, Kanadada 530 ming kishi, AQSHda 500 ming kishi, Polshada 300 ming kishi, Argentinada 100 ming kishi yashaydi. Umumiy soni 46 mln. kishi (1990-y. lar oʻrtalari). Ukrain tilipya soʻzlashadi. Dindorlari — pravoslavlar, bir qismi uniatlar. Ukrainlar ruslar va beloruslar katori sharqiy slavyanlarga mansub. Ularning umumiy etnik asosini 10-a. ga kelib yaqin qardosh sharqiy slavyan qabilalaridan shakllangan va oʻz davlati — Kiyev Pyci barpo etgan qad. rus elati tashkil qilgan. Keyinchalik, ijtimoiy-iqtisodiy va madaniy taraqqiyot va qad. rus yerlarining siyosiy tarqoqligi sharoitida (12 — 14-a. lar) qad. rus elati asosida 3 ta qardosh xalq — rus, ukrain va belorus xalqlari shakllangan. Taxm. 14—15-a. lardan Ukrainlar oʻziga xos tili, xoʻjaligi va madaniyati asosida mustaqil etnik birlik sifatida maydonga keldi. 16 — 17-a. larda ijtimoiyiqtisodiy va madaniy taraqqiyot, xalqning litva, polyak, venger agressiyalariga, turktatar bosqinchilarining talonchilik hujumlariga qarshi kurashi natijasida ukrain elati uyushgan va mustahkamlangan (yana q. Ukraina).