SOPOLIMERLAR

SOPOLIMERLAR — makromolekulasi 2 va undan ortiq struktura zvenolaridan iborat polimerlar. Har qaysi turdagi struktura zvenolari makromolekula chegarasida birbiri bilan almashinuvchi uzluksiz uzun bloklar hosil qilgan Sopolimerlar bloksopolimerlar deyiladi. Bir xil kimyoviy tarkibli makromolekula zanjirining ichki zvenolariga bir yoki bir necha boshqa tarkibli monomer biriktirsa boʻladi. Bunday Sopolimerlar payvandlangan Sopolimerlar deb ataladi. Kimyoviy zvenoning bir makromolekulasida turlicha tiplarni birbiriga biriktirib xossalari oldindan maʼlum boʻlgan materiallar hosil qilish mumkin (q. Polimerlanish).