SIANUK

SIANUK Norodom (1922.31.10, Pnompen sh.) — Kambodja davlat arbobi. Saygondagi litseyda va Fransiyada oʻqigan. 1941 i. 23 apr. dan Kambodja qiroli, 1955-y. taxtni otasi — Norodom Suramaritga topshirgan. 1955-y. dan mamlakat bosh vaziri. Otasi vafoti (1960)dan soʻng davlat boshligʻi (1960 — 70; 1975—76), 1979—90 y. larda muhojirlikda yashagan. 1991-y. 14 noyab. da Pnompenga qaytgan va Kambodja hukumati uni davlat boshligʻi sifatida tan olgan (rasmiy ravishda 1993-y. 14 iyun). 1993-y. 24 sent. dan Kambodja Qirolligi qiroli.