Ortda qolib yana bir dovon,
Hayotimiz etadi davom.
Olamdagi borliq, tirik jon
Bir-biriga beradi salom.
Sog`inchlarda edik intizor,
Nasib etdi, shukurki diydor.
Omonlikda ko`rishdik yana,
Muborak bo`lsin bugun bahor.
Assalom Navro`zim, assalom,
Dillar aytadi xush kalom.
Sog`inchli orzular bag`rida
Go`zal hayot, assalom.
Unutaylik bor bo`lsa gumon,
Shodon o`tsin har lahza, har on.
Ushalib sof niyat, orzular,
Yuraklarda qolmasin armon.
Sog`inchlarda edik intizor,
Nasib etdi, shukurki diydor.
Omonlikda ko`rishdik yana,
Muborak bo`lsin bugun bahor.
Assalom Navro`zim, assalom,
Dillar aytadi xush kalom.
Sog`inchli orzular bag`rida
Go`zal hayot, assalom. (x1+x1)
Sog`inchli orzular bag`rida
Go`zal hayot, assalom.