QALANDARLIK

QALANDARLIK — sufiylikzohidlik harakati. Malomatiylar zohidlik maktabining gʻoyalari taʼsirida yuzaga kelgan. Keyinchalik darbadargado darvishlar birodarligi (tariqati) ham Qalandarlik deb atalgan. Q. Xurosonda va Urta Osiyoda 11 a. boshlarida yuzaga kelib, dastlab aniq tashkiliy tuzilmaga ega boʻlmay, tarafdorlari kam edi. Keyinchalik ommalashib, sharqda Fargʻonadan tortib, gʻarbda Iroq va Shom (Suriya)ga qadar keng tarqalgan. Nakshbandiya, yassaviylik, kubroviylik Q. ning mashhur suluklari hisoblangan. Qalandarlik suluklarining taʼsiri Pokiston, Hindiston, Indoneziya, Eron va Afrikaning ayrim mamlakatlarida hozir ham seziladi.