PUL EMISSIYASI (lot. emisio, ing. emision — chiqarish) — davlat tomonidan muomalaga jami turdagi pul belgilarni chiqarish. Pul emissiyasi pul belgilarini bosib chiqarish bilan birga muomaladagi nakd va nakd boʻlmagan pul massasining koʻpayishini ham bildi-radi. Pul emissiyasining asosiy shakllari kredit pullar — banknotlar va depozit-cheklar emissiyasi.
Baʼzi mamlakatlarda hukumat oʻz xarajatlarini, byudjet taqchilligini qoplash maqsadida qoʻshimcha P. e. ni amalga oshiradi, natijada inflyatsiya kuchayadi. Koʻpgina mamlakatlarda Pul emissiyasini hukumat nomidan Markaziy bank amalga oshiradi.