NAVUXODONOSORII

NAVUXODONOSORII — Bobil podshosi (mil. av. 605—562). 605-y. Suriya va Falastin hududini bosib olgan, 598-y. Shim. Arabistonga yurish qilgan. 597-y., soʻngra 587-y. (boshqa maʼlumotlarga koʻra, 586-y.) qoʻzgʻolon koʻtargan Quddus sh. ni vayron qilgan. Yahudiya (Iudeya) podsholigini tugatgan va Yahudiyaning aksariyat aholisini asir qilib olib ketgan. Uning davrida mashhur «Bobil minorasi» va osma bogʻlar bunyod etilgan.