MUSODARA — shaxsga tegishli mulkni pul toʻlamasdan, majburiy ravishda davlat ixtiyoriga oʻtkazish. Mulk uning egasidan faqat qonunda nazarda tutilgan hollarda jinoyat yoki oʻzga huquqbuzarlik uchun sud qaroriga muvofiq olinadi va bahosi belgilanib, Musodara qilinadi, Oʻzbekiston Respublikasida mahkumning mulkini Musodara qilish jazosi 2001-y. avg. da bekor qilingan (JK, 53modda). Pekin jinoyat yoʻli bilan orttirilgan yoki jinoyat sodir etish vositasi boʻlgan mulk, albatta, Musodara qilinadi (JPK, 211modda).
Maʼmuriy huquqbuzarlikni sodir etish quroli yoki buyumi tuman (shahar) sudyasi, baʼzi hollarda — bojxona va soliq organlari tomonidan Musodara qilinadi (Oʻzbekiston Respublikasi, MJK, 27modda). Jumladan, bojxona nazorati chogʻida topilgan huquqbuzarlik ashyolari, transport vositasi olib qoʻyilib, baholanadi va sudya yoxud bojxona organining boshliklari tomonidan Musodara qilinadi (Bojxona kodeksi, 186modda).