MUHOJIRLAR

MUHOJIRLAR — oʻzi fuqaro boʻlib turgan yoki doimiy yashayotgan mamlakatini tashlab boshqa davlatga doimiy yashash uchun joʻnab ketuvchi kishilar. Fuqarolik va siyosiy huquklar toʻgʻrisidagi 1966-y. gi xalqaro paktning 12modda 2bandi har bir kishining har qanday mamlakatni (jumladan, oʻz mamlakatini) tashlab ketish huquqi, yaʼni muhojir boʻlish huquqini nazarda tutadi. Biroq bu xuqukda davlat xavfsizligini, jamoat tartibini, aholining sogʻligʻi, boshqa shaxslarning huquq va erkinliklarini muhofaza qilish maqsadida qonun b-n belgilangan ayrim cheklashlar ham boʻlishi mumkin.