MUHADDIS

MUHADDIS (arab. — hadis rivoyat qiluvchi) — hadislarni toʻplash, saralash va sharxlash bilan shugʻullangan ilohiyotchi. Muhammad (sav) vafotidan keyin hadislarni toʻplash keng anʼanaga aylana boshlanishi natijasida ilohiyotchilarning bir qismi bu sohada ixtisoslashgan va ular Muhaddislar deb nom olgan. Hadis toʻplamlari islom anʼanasida eʼtibor qozonib, Muhaddislar (mas, Imom al-Buxoriy, Muslim ibn alhajjoj, Ibn Moja va b.) islom tarixida mashhur boʻlib ketgan.