MAHMUDOV Mahtumquli Xudoyberdiyevich

MAHMUDOV Mahtumquli Xudoyberdiyevich (1969.29.7, Angor tumani) — kurashchi, xalqaro miqyosdagi sport ustasi, «Oʻzbekiston iftixori» (2000). 10 yoshidan kurash bilan shugʻullanadi. Mahmudov Toshkent avtomobil-yoʻllar in-tini tugatgan (1992). At-Termiziy xotirasiga bagʻishlangan xalqaro musobaqalarning bir necha bor gʻolibi (1995, 1997, 1999). 73 kg vaznda Oʻzbekiston chempioni (2000, Samarqand), jahon chempionati bronza medali sovrindori (1999, Toshkent), jahon chempioni (2000, Antaliya).