MADR

MADR, Mazr — oʻrta asrlarda Balx viloyatiga tobe shaharlardan biri; Xulm daryosi boshlanish yerida joylashgan. Madr 7—8-a. larda Toxaristonning Bomiyon bilan chegarasida joylashgan eng jan. shaxri boʻlgan. «Hududul-olam»da Madr 10-a. da Andarob viloyatiga tegishli kichik shahar (shahrak) deb qayd etilgan. Madr shaxri hoz. Hindukushdagi Okrabot dovonidan shim. da, Haybaqdan Bomiyonga boruvchi yoʻlda joylashgan. Madr yaqinidan (Rui qishlogʻi) Xulm daryosi vodiysi boʻylab Buyuk ipak yoʻlining asosiy yoʻli oʻtgan.