KONSENTRLANGAN OʻGʻITLAR

KONSENTRLANGAN OʻGʻITLAR — tarkibida 45—64%gacha oziq moddalari boʻlgan oddiy yoki koʻp komponentli oʻgʻitlar. Donador oʻgʻit asosida ishlab chiqariladi. Oddiy Konsentrlangan oʻgʻitlarga quyidagilar kiradi: ammoniy nitrat, karbamid, suvsiz ammiak, ikkilamchi superfosfat, pretsipitat, kaliy xlorid, kaliy sulfat; koʻp komponentlilarga ammoniy fosfatlar (ammofos, diammofos), nitrofos, kaliy va ammoniy metafos-fat (q. Metafosfatlar), ammoniy polifosfat (polifosfatlar), kaliyli selitra va b. kiradi. Konsentrlangan oʻgʻitlar dehqonchilikda har xil tuproqlar va hamma turdagi ekinlar uchun asosiy oʻgʻitlar sifatida va ekinni oziqlashtirishda qoʻllanadi.