KARPOV Vladimir Vasilyevich

KARPOV Vladimir Vasilyevich (1922.28.7, Orenburg) — rus yozuvchisi. 2-jahon urushi qatnashchisi va urush Qahramoni (1944-y. 6 iyul). Toshkent harbiy bilim yurti (1942), harbiy akademiya (1947) va Moskvadagi adabiyot in-tini (1954) tugatgan. 1930 — 59, 1968—73 y. larda Toshkentda yashagan va ishlagan. Harbiylar hayotidan hikoyalar, qissalar, romanlar («Mangu jang», 1967; «Marshallik nishoni», 1970; «Tirik olinsin!», 1975) va «Sarkarda» (1984) hujjatli qissasini yozgan. «Marshal Jukov, uning safdoshlari va dushmanlari urush va tinchlik yillarida» (1989) kitobi muallifi. Asarlari oʻzbek tiliga tarjima qilingan. Hamza nomidagi Oʻzbekistan Davlat mukofoti laureati (1970).