ITBALIQ

ITBALIQ — dumsiz amfibiyalar lichinkasi. Uvildirikdan rivojlanadi. Suvda yashaydi. Tashqi jabrasi, harakatlanishga yordam beruvchi uzun dumi, suv osti jismlariga yopishuvchi organi va yon organlari bor. Oyoklari boʻlmaydi. Oʻsimliklar bilan oziklanadi. Metamorfoz yoʻli bilan rivojlanadi, Yuragi dastlab 2 kamerali, rivojlanishi davomida (3—4 oydan keyin) uch kamerali boʻlib qoladi; dumi yoʻqoladi; orqa oyoklari rivojlanadi; jabra va jabra yoriqlari yoʻqolib, oʻpka bilan nafas ola boshlaydi. Sezgi organlari oʻzgaradi; yon chiziqlari yoʻqoladi. Shu oʻzgarishlardan keyin Itbaliq baqaga aylanib, quruklikka chiqadi.