IQTISODIY FAOL AHOLI — aholining daromad keltiradigan ijtimoiy foydali mehnat bilan band boʻlgan qismi (xizmat koʻrsatish soxasi xodimlari, shaxsiy yordamchi xoʻjaligida ishlovchilar, bola tarbiyasi bilan mashgʻul boʻlganlar ham kiradi). Koʻpgina mamlakatlarda ish bilan band boʻlganlar va ularning qaramogʻidagilar, davlat qaramogʻidagi shaxslar va ishsizlar ham iqtisodiy faol aholi hiso-biga kiritiladi. Rasmiy statistikada mamlakatdagi 16—59 yoshdagi mehnatga layoqatli aholi I. f. a. hisoblanadi (yana q. Mehnat resurslari).
Oʻzbekistonda Iqtisodiy faol aholi 9018,4 ming ki-shidan iborat boʻldi. Iqtisodiy faol aholi jami aholining 36,6, mehnat resurslarining esa 71,6 foizini tashkil etdi (2000).