Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulugʻ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan.
*****
Yaxshi koʻrishimiz xatolarni koʻrishdan koʻzlarimizni “koʻr” qilib qoʻyadi. Yomon koʻrish esa haqiqatlarni koʻrishdan koʻzlarimizni “koʻr” qilib qoʻyadi.
“Tarix muhrlagan soʻzlar”
*****
Umrim oʻtgani sayin odamlarning gaplariga eʼtiborim kamayib borib, (aytadigan gaplariga nechogʻli) amal qilishlarini koʻrish bilan kifoyalandim.
“Tarix muhrlagan soʻzlar”
*****
Qoloqlikning eng muhim sabablaridan biri – biror vazifani oʻsha ishning mutaxassisi boʻlmagan kishiga topshirishdir.
“Tarix muhrlagan soʻzlar”
*****
Ichi kir odam (jamiyatda) pok insonlarning borligini hazm qila olmaydi.
“Tarix muhrlagan soʻzlar”
*****
Baxil kimsa ochlikdan vafot etsa, uning farzandlari meʼda sustligi (ovqatni hazm qila olmaslik) kasalligidan oʻladilar.
“Tarix muhrlagan soʻzlar”
*****
Har qanday munosabatning boshida hissiyotlar, oxirida esa axloq koʻrinadi.
Najib Mahfuz
*****
Aqlning quvvati haqiqatni koʻtarishiga qarab oʻlchanadi.
“Tarix muhrlagan soʻzlar”
*****
Orzu tuzga oʻxshaydi. Tuz oʻzi qorinni toʻydirmaydi, lekin taomga maza kiritadi.
“Tarix muhrlagan soʻzlar”
*****
Oqil odam fikrlari haqida gapiradi. Zakiy odam amallari haqida gapiradi. Ahmoq esa yegan taomlari haqida gapiradi.
“Tarix muhrlagan soʻzlar”
*****
Sening yoningda yuradigan baʼzi shaxslar aslida senga emas, oʻzlarining sendagi ehtiyojlariga muxlisdirlar. Ishlari bitishi bilan ixloslari ham oʻzgaradi.
“Tarix muhrlagan soʻzlar”
*****
Goh-gohida hammadan uzoqlashib, birorta odam topolmaydigan joyga ketib, yolgʻiz boʻlishni istab qolamiz.
Shams Tabriziy rahimahulloh
*****
Oʻgʻling sening ikkinchi imkoniyatingdir. Yoʻqotganlaringni u bilan toʻldir.
“Tarix muhrlagan soʻzlar”
*****
Modomiki tirik ekansan, nafsing bilan kurashishni toʻxtatma!
“Tarix muhrlagan soʻzlar”
*****
Farzandlarni bino qilish (tarbiya qilish) ularga bino qurishdan muhimroqdir.
“Tarix muhrlagan soʻzlar”
Internet materiallaridan toʻplab, tarjima qiluvchi
Nozimjon Iminjonov
https://saviya.uz/ijod/nasr/ichi-kir-odam-pok-insonlarning-borligini-hazm-qila-olmaydi/