GYUMRI

GYUMRI (1840-y. gacha rasmiy nomi Kumayri, 1840—1924-y. larda Aleksandropol, 1924—91 y. larda Leninakan) — Armanistondagi shahar. T. y. tuguni. Aholisi 122,6 ming kishi (1990). Yengil, mashinasozlik, oziq-ovqat sanoati korxonalari, ped. in-ti, 2 teatr, oʻlkashunoslik muzeyi, suratlar galereyasi, «Gyumri» tarix-arxitektura qoʻriqxonasi bor. G. hududidagi qishloq mil. av. 5-a. dan maʼlum. Gyumri 1988-y. dek. dagi fojiali zilzila oqibatida jiddiy zarar koʻrgan.