FRANSIYA INSTITUTI

FRANSIYA INSTITUTI — Fransiyaning asosiy rasmiy ilmiy muassasasi. 1795-y. tashkil etilgan (1806-y. gacha Fan va sanʼat milliy in-ti deb nomlangan). Fransiya akademiyasi, Yozuv va nafis ogʻzaki ijod akademiyasi (1663; qad. va sharq tillari, oʻrta asr lahjasi, tarix boʻyicha tadqiqotlar olib boradi), Tabiiy Fanlar akademiyasi (1666; 130 haqiqiy, 160 muxbir, 80 xorijiy aʼzo), Sanʼat akademiyasi (1803; 50 haqiqiy, 50 muxbir, 15 xorijiy aʼzo), Axloqiy va siyosiy fanlar akademiyasi (1832; 50 haqiqiy, 60 muxbir, 12 xorijiy aʼzo)ni birlashtiradi.