So`radim yulduz, oylardan,
So`radim tog`u soylardan,
Menga ayting, shu joylardan
Yori jonim o`tmadimi?
Sevgi degan dardim buyuk,
Sog`inchida bag`rim kuyuk,
Diydorlari jonga suyuk
Yori jonim o`tmadimi? {x2}
Jonimdagi jonimdayin,
Chehrasi xush, lutfi mayin,
Ko`rging kelar ko`rgan sayin. (x2)
Istab tongu oqshomlardan,
Kechdim qancha oromlardan,
So`rab ko`rdim yoronlardan,
Yori jonim o`tmadimi?
Siz taniysiz uni axir,
Ko`rgansiz-u, saqlaysiz sir.
Ko`rishamiz biz baribir,
Yori jonim o`tmadimi? {x2}
Jonimdagi jonimdayin,
Chehrasi xush, lutfi mayin,
Ko`rging kelar ko`rgan sayin. (x4)