DURDIYEV

DURDIYEV Ota (1910.1.1, Keshi qishlogʻi — 1981.5.11, Ashxobod) — turkman aktyori. Turkmenistan xalq artisti (1955). Turkman teatr sanʼatining asoschilaridan. 1929-y. dan Mullanapasov nomidagi Turkman drama teatrida ishlagan. Hajviy va xarakterli rollar ustasi sifatida tanilgan. Yaratgan ob-razlari individual xususiyatlarning yorqinligi, satirik oʻtkirligi bilan ajralib turadi. Eng yaxshi rollari: Boboxon («Tohir va Zuhra»), Abu Sar-dor («Kaymir-Koʻr»), Murodov («Choʻpon oʻgʻli»), Xorazm xoni («Mahtumquli»), Kent («Qirol Lir»), Ota («Allanning oilasi») va b. «Dursun», «Choʻponning oʻgʻli», «Maxsus topshiriq» kabi filmlarda suratga tushgan.