BOTNIYA QOʻLTIGʻI

BOTNIYA QOʻLTIGʻI — Boltiq dengizining shim. qismi, Shvetsiya va Finlyandiya oraligʻida. Mayd. 117 ming km2. Uz. 668 km, eni 240 km gacha. Eng chuqur joyi shim. da 112 m, jan. da 290 m. Gidrologik rejimi dengiznikiga oʻxshash. Suvining shoʻrligi shim. da 2—3%o, jan. da 5%o gacha. Okt. —iyun oylarida muzlaydi. Botniya qoʻltigʻiga kiraverishda Aland o. lari joylashgan. Asosiy portlari: Vasa, Oulu (Uleaborg), Pori (Finlyandiya); Luleo, Sundsvall (Shvetsiya).