Majnuntol tagiga oʻtqazing meni,
Qovrilmay to gʻashlik alangasida.
Majnuntol tagiga oʻtqazing meni,
Nafasimni rostlay koʻlankasida.
Majnuntol tagiga oʻtqazing meni,
Qushlar ovoziga quloq solayin.
Majnuntol tagiga oʻtqazing meni,
Xayol ogʻushida orom olayin.
Majnuntol tagiga oʻtqazing meni,
Shu kungacha oʻzni men cheklab boʻldim.
Majnuntol tagiga oʻtqazing meni,
Men uchun yigʻlasin, men yigʻlab boʻldim.
MIRTEMIR
https://saviya.uz/ijod/nazm/betobligimda/