BARKAROLA

BARKAROLA (ital. barca — qayiq) — 1) Venetsiya qayiqchilarining koʻproq badiha yoʻli bilan bir maromda aytadigan qoʻshigʻi; 2) lirik kuyli 6/8 yoki 12/8 oʻlchovli musiqa asari (odatda romans yoki fortepiano uchun pyesa): Shubert va Glinkaning ovoz va fortepiano uchun Barkarolalari, Shopen, Mendelson-Bartoldi, Chaykovskiy, Raxmaninov fortepiano Barkarola lari va b. operalarda ham Barkarolalar uchraydi (Ober, «Portichilik gung»; Rossini, «Vilgelm Tell»; Offenbax, «Gofman ertaklari» va b.).