AKADEMIK LITSEY

AKADEMIK LITSEY — oʻrta maxsus oʻquv yurti. Oʻzbekiston Respublikasida 1997-y. da qabul qilingan «Kadrlar tayyorlash milliy dasturi» va «Taʼlim toʻgʻrisida»gi konunga muvofiq umumiy oʻrta taʼlim maktablari (9sinf)ni tugatgan oʻquvchilar qabul qilinadi. Taʼlim muddati 3 y. A. l. oʻrta maxsus maʼlumot beradi. Oʻquvchilarning intellektual qobiliyatlarini jadal oʻstirishni, ularning chuqur, tabaqalashtirilgan va kasbhunarga yoʻnaltirilgan bilim olishlarini taʼminlaydi. Akademik litseyda oʻquvchilar oʻzlari tanlab olgan taʼlim yoʻnalishi (gumanitar, texnika, agrar va b. sohalar) boʻyicha bilim saviyalarini oshirish hamda fanlarni chuqur oʻrganishga qaratilgan maxsus bilim olish imkoniyatiga ega boʻladilar.