«RIA Novosti»ning xabar berishicha, «SpaceX» va «Tesla» aksiyalariga egalik qiluvchi Ilon Maskning boyligi elektromobillar aksiyalarining o‘sishi hisobiga bir sutkada 6 milliard dollarga oshgan.
Ma’lum bo‘lishicha, hozirda Ilon Maskning boyligi 169,8 milliard dollarni tashkil qilmoqda. Dunyoning eng boy odamlari reytingida esa u 188,6 milliard kapitalga ega bo‘lgan «Amazon» asoschisi Jeff Bezosdan so‘ng ikkinchi o‘rinda turibdi.
Ta’kidlanishicha, Mask boyligining aksariyat qismi kompaniyaning 21 foiz aksiyalariga egalik qiluvchi «Tesla» hissasiga to‘g‘ri kelgan.
Avvalroq Ilon Mask UFC va «Miss Universe» tanlovi kompaniyasining direktorlar kengashiga qo‘shilishi haqida xabar berilgan. Shuningdek, uning «Tesla» kompaniyasidagi maqomi o‘zgargani ma’lum qilingan.
Понравилась статья? Поделиться с друзьями: