PSIXOFIZIK MASALA

PSIXOFIZIK MASALA — keng maʼnoda — psixik xususiyatlarning fizik hodisalar bilan munosabati, tor maʼnoda — psixik va fiziologik (neyrogumoral) jarayonlar oʻrtasidagi nisbat masalasi. 17-a. mexanistik falsafasida Psixofizik masalani hal etishning 2 varianti vujudga keldi: psixofizik oʻzaro taʼsir (Dekart; ong sezgilar va shu kabi orqali tana taʼsirida boʻladi va unga iroda bilan taʼsir etadi) va psixofizik parallelizm (psixik va fizik ja-rayonlarning parallel ravishda namoyon boʻlishi). Psixofizik parallelizmga G. V. Leybnis, N. Malbransh idealistik, D. Gartli (18-a.) materialistik mavqedan yondashganlar va u 19-a. da keng ta-rqalgan. Dialektik materializm P. m. ni psixika voqelikni faol aks ettiruvchi xossadir deb tushunish asosida hal qiladi.