ZOKIROVA Shirmonxon Shokirovna

ZOKIROVA Shirmonxon Shokirovna (1953.4.9, Jalolquduq tumani) — Oʻzbekiston Respublikasi xalq oʻqituvchisi (1995). Andijon ped. intining boshlangʻich taʼlim metodikasi f-tini tugatgan (1980). Pedagogik faoliyati 1971-y. dan boshlangan. U Jalolquduq tumanidagi 23-maktabda boshlangʻich sinf oʻqituvchisi. 3. faoliyati davrida oʻz ishining ustasi, yosh avlodga oʻzidagi bor bilimini singdira oladigan mexribon ustoz sifatida namoyon boʻldi. 3. darslarni koʻrgazmali qurollar va texnika vositalari asosida tashkil etadi.