XADICHA

XADICHA bint Xuvaylid (555/556 — 620/621) — Muhammad (sav)ning birinchi xotini. U beva qolgan boy xotin boʻlgan. Muhammad (sav) avval Xadichaning savdo ishlarini boshqargan, keyinchalik unga uylanib, uning mablagʻlari bilan savdogarlik qilgan. X. Muhammad (sav) ga koʻp gʻamxoʻrlik va mehribonlik koʻrsatgan. Muhammad (sav) ning paygʻambarligiga birinchi boʻlib ishongan va islomni qabul qilgan. U Muhammad (sav) dan 4 qiz, 3 oʻgʻil koʻrgan. Avvalgi ikki turmushidan 2 oʻgʻil, 1 qiz koʻrgan, lekin ular haqida maʼlumot uchramaydi.