VOTCHINA — 1) Rossiyada yer egaligining merosiy ravishda oʻtadigan qad. turi. 10—14-a. lar (knyaz, boyar, monastir Votchinasi ), 13—15-a. larda yer egaligining hukmron shakli. 15-a. oxirida pomestyega qarshi turgan, lekin 16—17-a. larda u b-n yaqinlashib, 18-a. boshida birlashib ketgan va yangi tur imeniye vujudga kelgan. Keyinchalik Votchina — har qanday feodal yer egaligi.
2) Rossiya tarixiy adabiyotlarida feodal yer egaligi majmuasi va u bilan aloqador tobe dehqonlarga boʻlgan huquqlarni anglatuvchi termin. V. sinonimlari — senyoriya, manor, pomestye.