DO`STLARGA ULASHING:
Veb Server nima?
Biror bir internet saytga kirish uchun, brauzerga manzil yozsangiz, brauzer shu sayt joylashgan kompyuterga, saytdagi maʼlumotlarni koʻrsatish haqida soʻrov joʻnatadi, kompyuter oddiy temir boʻlgani uchun bu soʻrovni tushunmaydi. Bu soʻrovni tushunishi uchun, kompyuterga dastur oʻrnatiladi, va u veb dastur deyiladi. Hozirda ushbu dastur va kompyuter umumiy holda veb server deyiladi.
Demak, veb server — foydalanuvchidan kelayotgan soʻrovlarni qabul qilib, tegishli javobni qaytaruvchi dasturdir. Veb server orqali butun sayt boshqariladi, sayt kataloglariga ruxsatlar beriladi, xavfsizlik nazorat qilinadi, foydalanuvchilarni roʻyxatdan oʻtkazish va boshqa koʻplab ishlar amalga oshiriladi.
Veb serverni siz oʻz uyingizda yaratishingiz ham mumkin. Bitta kompyuter ajratasiz, unga veb dastur oʻrnatasiz (Apache, IIS, Nginx, v.h.k), va saytingizni serverga joylaysiz. Agar saytni biron domenga ulamoqchi boʻlsangiz serverga statik IP adres ham kerak boʻladi.