VARSHAVA UNIVERSITETI

VARSHAVA UNIVERSITETI — Polshadagi yirik oʻquv va ilmiy markaz. 1816-y. Varshava sh. da rus podshosi Aleksandr I farmoniga muvofiq Aleksandrov un-ti sifatida tashkil etilgan (1818-y. un-t maqomini olgan). 1917-y. dan Polsha un-ti. 2-jahon urushi (1939—45) davrida un-t yopilgan. Mamlakat ozod etilgach, oʻz faoliyatini tiklagan. Un-t tarix, filol., psixologiya, ped., kimyo, geol., biol., fizika, mat., yuridik va b. fanlar boʻyicha mutaxassislar tayyorlaydi. 25 ming talaba taʼlim oladi, 1500 ga yaqin oʻqituvchi ishlaydi. Un-t kutubxonasi (1817-y. tashkil etilgan)da 2 mln. ga yaqin asar saqlanadi.