TUYNUK

TUYNUK — bino devori, shiftiga maxsus ishlangan teshik: toʻrtburchak, doyra shaklida boʻladi. Tuynuk xona ichiga yorugʻlik tushishini, havo almashinib turishini taʼminlaydi. Ayrim kulba, oʻtovlarda hamda mahalliy oshxona, tandirxonalarda shiftga, devorning yukrri qismiga ishlangan Tuynuklar tutun chiqishiga xizmat qiladi. Masjid, madrasa, tim, toqi kabi binolarda Tuynuk panjara bilan bezatilgan. Harbiy istehkom va qalʼa devorlarida Tuynukdan oʻq otish, dushmanni kuzatish va b. maqsadlarda foydalaniladi.