TIVITXOʻRLAR

TIVITXOʻRLAR, yungxoʻrlar (Trichodectidae) — parxoʻrlar turkumiga mansub hasharotlar oilasi. Uz. 10 mm gacha. Qanotsiz tanasi qora qalin qobiqqa oʻralgan. 200 dan, jumladan, Oʻzbekistonda 10 dan ortiq turi bor. Sut emizuvchilar yungida parazitlik qiladi. Terini muguz qismi bilan oziqlanib jarohatlaydi. Ayrim turlari (mas., it Tivitxoʻrlari, mushuk Tivitxoʻrlari) muayyan hayvonda parazitlik qilishga moslashgan. Tivitxoʻrlar — tasmasimon chuvalchanglar oraliq xoʻjayini.