TASMANIYALIKLAR

TASMANIYALIKLAR — Tasmaniya o. ning tub Aholisi, daydi ovchi qabilalar. 1806—76 y. mobaynida ingliz mustamlakachilari tomonidan butunlay qirib tashlangan. Taxminiy baholarga kura, 19-a. boshida Tasmaniyaliklarning soni bir necha ming kishi boʻlgan. Xoʻjaligi, texnikasi, madaniy taraqqiyoti jihatidan ular 19-a. da Yer yuzidagi eng qoloq etnik guruxlardan biri sanalgan. Tasmaniyaliklarning qabilaviy tillari va lahjalari, ularning ijtimoiy tuzumi, etnogenezi deyarli oʻrganilmagan. Tasmaniyaliklarda diniy eʼtiqodlar mavjudligi haqidagi maʼlumotlar ham munozarali.