SUMATRA

SUMATRA — Malay arxipelagining gʻarbiy qismidagi orol, Katta Zond o. lari guruhida. Ekvatorning har ikki tomonida joylashgan. Indoneziya hududi. Mayd. 435 ming km2. Malay arxipelagida kattaligi boʻyicha Kalimantan o. dan keyin 2oʻrinda. Sumatraning atrofida mayda orol koʻp. Gʻarbiy qismining relyefi togʻli; balchikli vulkanlar, granitli gumbazlar, tektonik botiqlar, karstli yassitogʻliklar bor. Eng baland joyi 3800 m. Sharqiy qismi botqokli allyuvial tekislik. Iklimi ekvatorial, sernam iqlim. Oʻrtacha oylik tra tekisliklarda 25—27°. Yillik yogʻin 1500 — 3000 mm, togʻlarda 4000 mm dan ziyod. Dare va koʻl koʻp. Tekisliklar tropik oʻrmonlar, sohil qismi mangra chakalakzorlari bilan krplangan. Togʻlarda doim yashil dub, kashtan, lavr, igna bargli daraxtlar usadi. Foydali kazilmalardan neft, tabiiy gaz, koʻmir qazib olinadi. Asosiy qishloq xoʻjaligi. ekini — sholi. Kauchukli daraxtlar, kokos palmasi, kofe, choy plantatsiyalari bor. Baliqovlanadi. 17-a. gacha Sumatra hududida mustaqil davlatlar boʻlgan. 17-a. dan 20-a. boshlarigacha golland mustamlakachilariga tobe boʻlgan. Indoneziya Respublikasi tashkil topgach, Sumatra uning tarkibiga qoʻshildi.