Post Views:
73
SULTON AKBARIY (1923.3.12–1997.3.6.) – shoir, jurnalist. O‘zbekistonda xizmat ko‘rsatgan madaniyat xodimi. Toshkentda tug‘ilgan. Toshkent pedagogika institutini tugatgan (1942). 2-jahon urushi qatnashchisi (1942–45). Respublika gazeta va jurnallarida, Badiiy adabiyot nashriyotida mas’ul lavozimlarda ishlagan. O‘z davrida dolzarb bo‘lgan mavzularda maqolalar yozgan. Ijodi 1940 yildan boshlangan. Baxshiyona uslubda ijod qilgan. «Imonim, e’tiqodim», «Yaralangan qo‘shiqlar», «Suluv suluv emas, suygan suluv», «Shukrona», «Mehrigiyo» (1956), «Dovon va devon» «Ko‘ngil ohanglari» (1968) va boshqa she’riy to‘plamlar muallifi. Sulton Akbariy dostonnavis sifatida ham ko‘plab asarlar yozgan («Girdob», 1964; «Ustod», 1970; «Qatag‘on», 1992). Qirg‘iz eposi «Manas»ning 3-kitobini o‘zbek tiliga tarjima qilgan. Toshkentdagi ko‘chalardan biri Sulton Akbariy nomi bilan ataladi.
«Toshkent» ensiklopediyasi. 2009 yil
https://shosh.uz/uz/sulton-akbariy-2/