STEREOTIPIYA (stereo… va yun. typos — nusxa) — kitob, gaz., jurnal va b. ni koʻp nusxada nashr etish uchun bosmaxona qolipi (stereotip) tayyorlash va undan nusxalar bosish usuli. Stereotip metall, plastmassa yoki rezinadan tayyorlanadi. Matn shriftlari yoki tasvir uning sirtiga boʻrtib chiqib turadi. Stereotipiyaning quyma, elektrolitik va presslash usullari bor.
Stereotipiya ish unumdorligi yuqori boʻlgan rotatsion mashinalar uchun krliplar tayyorlashga, bir vaqtning oʻzida kitob, gaz. va b. ni turli joylarda bosishga imkon beradi. Stereotip matritsalarni sakdab qoʻyib, matbaa mahsulotlarini bir necha marta nashr qilish mumkin. gʻozir bu usul kamroq qoʻllanadi.