SPIDVEY

SPIDVEY (ing. speed — tezlik va way — yoʻl) — mototsikl sporti turi, trekda, shuningdek, stadionning . yaxmalak yoʻlkasida mototsikl bilan poyga oʻtkazish. Bu sport turi 20-a. boshlarida Avstraliya va Jan. Afrikada vujudga keddi. Musobaqalar 500 sm3 klassli mototsikllarda 280—400 m uzunlikdagi trassalarda oʻtkaziladi. Spidvey boʻyicha jahon chempionati: shaxsiy xisobda 1934-y. dan, jamoa hisobida 1960-y. dan, juftliklar oʻrtasida 1970-y. dan, yaxmalakda 1966-y. dan, tuproq yotqizilgan treqsa (1000 m li masofa) 1971-y. dan tashkil qilib kelinadi.