– Mening savolim spermogramma tahlili to‘g‘risida. Spermogramma tahlilini topshirish shartlari qanday? Bundan tashqari, ayollarda gormonal bepushtlikni davolash uchun rag‘batlantiruvchi dorilar berishadi, erkaklar uchun ham bunday preparatlar mavjudmi?
Ramazon Nazarov, urolog-androlog, seksapotolog:
– Spermogramma tahlilini topshirish uchun 3-5 kun davomida jinsiy yaqinlik qilmaslik va iloji boricha tahlilga qadar uch oy davomida salbiy odatlar (chekish, ichish, stressli holatda bo‘lish, kasal bo‘lish va h.k.)dan holi bo‘lish kerak. Spermogrammadagi biror bir ko‘rsatkichning o‘zgarishi shahvat sifatining to‘liq yomonligini bildirmaydi, shuning uchun shifokor bilan maslahatlashgan holda qo‘shimcha tekshiruvlarni olib borish kerak.
Erkak bepushtligini gormonal rag‘batlantiruvchi dori vositalari mavjud. Faqat u mutaxassislar nazorati ostida erkakning gormonal holati tekshirilgach, buyuriladi.