SKOTTLAR

SKOTTLAR, skotlar (soʻnggi lot. Scotti, Scoti) — kelt qabilalari guruhi. Ilk bor Rim muarrixlari asarlarida, Skottlar va pikt qabilalari Rimning Britaniya provinsiyasiga chopqunlari munosabati b-n tilga olingan. Dastlab Irlandiyada yashaganlar (shundan Irlandiyaning Rim manbalaridagi nomi — Skottiya olingan), keyinchalik (mil. 1ming yillik oʻrtalarida) Skottlarning bir qismi Britaniyaning shim. ga koʻchib oʻtishgan va u yerda piktlarni tobe etib, 9-a. oʻrtalarida Shotlandiya (Scotland, aynan — S. mamlakati) deb nomlangan qirollik barpo etganlar.