REPETITSIYA (lot. repetitio — qaytarish) — 1) teatr, estrada, sirk tomoshalari, konsert dasturlari, ayrim chiqishlar, sahnalarni (rej. rahbarligida) koʻp marta (butunlay yoki qisman) takrorlash orqali tayyorlashning asosiy shakli;
2) klavishli va b. musiqa asboblarida bir tovushning tez takrorlanishi;
3) fortepiano mexanizmi xususiyati, u bir tovushning oʻzini tez takrorlash imkoniyatiga ega; oddiy (sekundiga 6—8) va murakkab (sekundiga 12) zarbli Repetitsiya qilish mumkin boʻlgan fortepianolar mavjud.