QUMSAQICH

QUMSAQICH — murakkabguldoshlar oilasiga mansub koʻp yillik oʻtsimon oʻsimliklar turkumi. Asosan, Yevrosiyoning moʻtadil iklimli mintaqalarida tarqalgan. Oʻzbekistondayakannamo q. Va yalangʻochurugʻ q. turlari uchraydi. Yakannamo Qumsaqichning ildizi yaxshi rivojlangan. Boʻyi 50—80 sm, poyasi pastdan shoxlangan. savatchalari bitta yoki 2—3 tadan, shingilsimon roʻvak shaklida toʻpgul hosil qiladi. Savatchalari 2 gulli, gullari sariq. Iyul—okt. da gullab urugʻlaydi. Daryo oʻzanlari, shagʻal-toshli yerlar va togʻ yonbagʻirlarida oʻsadi. Qumsaqichning ayrim turlari tarkibida past navli kauchuk bor.