PIRIMIDIN, 1.3-diazin, C4H4N2 — diazin sinfiga oid oʻziga xos hidli, rangsiz kristall modda. Suyuklanish t-rasi 22,5°, qaynash t-rasi 124°, kuchsiz asos. Suv, spirt va efirda yaxshi eriydi. Pirimidin, odatda, 3-aminoakroleinni mochevina b-n kondensatlab yoki 2-xlor, 2,4-dixlor, 2, 4, 6-trixlor Pirimidinni asoslar ishtirokida qaytarib olinadi. Pirimidin yadrosi vitamin V,, koenzim (uri-dindifosfatglyukoza), antibiotiklar (amitsetin, bleomitsin), dorivor pre-paratlar (barbituratlar, pirimidin, sulfamidlar, ftorafur), kuchli za-harlar (tetrodoksin), nuklein kislotalar va b. tarkibiga kiradi. Biologik jarayonlarda ahamiyati muhim.
Pirimidin asoslari, pirimidinlar — pirimidinning geterotsiklik azotli asoslari hosilalari boʻlmish tabiiy birikmalar gu-ruhi. Organizmning hayot faoliyatida muhim ahamiyatga ega. Nuklein kislotalar, nukleotidlar, kofermentlar va b. tarkibiga kiradi.