PERIKARD

PERIKARD (peri… va yun. cardia — yurak) — odam va umurtqali hayvonlarda yurakni oʻrab turadigan yopiqxal-tasimon tuzilma. Tashqi — fibroz va ichki — seroz qavatlardan iborat. Seroz kavat visseral (epikard) va pariyetal qavatlarga boʻlinadi. Shu qavatlar orasidagi Perikard boʻshligʻida och sargʻish tiniq seroz suyuklik bor. Epikard yurak yuzasiga zich yopishgan. Tashqi qavat (asl Perikard) P. boʻshligʻini koʻkrak boʻshli-gʻidan ajratib turadi. Perikardda qon va limfa tomirlari, juda koʻp nerv uchlari boʻladi. Perikard biriktiruvchi toʻqimadan iborat gʻovak kletchatka bilan oʻralgan.