PARPASHA

PARPASHA, paripasha (fors.) — nafis yoʻlli nimshoyi mato; koʻkimtir kulrang tusga ega. Tanda iplari ok, ipakdan, arqogʻi toʻq koʻk rangli ipdan qoʻl dastgohida toʻqilgan. Toʻqish jarayonida tanda iplari orasida maxsus qoldirilgan joylarda hosil boʻladigan teshikchalar orqali arqoq ipini koʻrinishi ingichka yoʻllar hosil kiladi. P. Buxoro, Samarqand, Qoʻqon, Margʻilon, Namangan va b. shoyi toʻkish markazlarida ishlab chiqarilgan. Buxorolik ustalar ip va ipak iplarini teng miqdorda ishlatganlar. Ipak koʻp ishlatilgan Parpasha qimmat boʻlib, nihoyatda qadrlangan. Parpasha dan, asosan, paranji tikilgan, shuningdek, erkaklar uchun toʻn ham tayyorlangan.