ANTISEMITIZM
ANTISEMITIZM — milliy va diniy bidʼat-xurofot, yahudiylarga dushmanlik koʻzi bilan qarash. Antisemitizm irqiy shovinizmning eng mudhish koʻrinishidir. Tarixda Antisemitizm turli shakllarda — atayin yolgʻon, tuhmat tarqatish, har xil kamsitishlardan tortib, to ommaviy ravishda aholini koʻchirib yuborish va qirgʻin qilish, genotsidgacha namoyon boʻlgan. Antisemitizm german fashizmi oʻtkazgan siyosatda ayniqsa keskin tus olgan.